काठमाडौं। ब्राजिलका राष्ट्रपति जेयर बोलसोनारोले एक पत्रकारलाई मुखमा मुक्का हान्ने धम्की दिएका छन् । पत्रकार सम्मेलनमा ती पत्रकारले राष्ट्रपति बोलसोनारोकी श्रीमतीको बैंक खातामा रहस्यमय रुपमा एक पूर्व पुलिस अधिकारीले जम्मा गरेको रकमबारे प्रश्न सोधेका थिए । यो रकम भष्टाचारसँग सम्बन्धित हुन सक्ने आशंकासहित ती पत्रकारले प्रश्न सोधेपछि आक्रोशित राष्ट्रपति बोलसोनारोले भने ‘म तपाइँको मुखमा मुक्का हान्न चाहन्छु ।’ ब्रासिलियामा आयोजित साप्ताहिक बैठकमा राष्ट्रपति बोलसोनारोले पत्रकारहरुसँग कुरा गरिरहेका थिए । त्यही क्रममा ओ गलोबोका पत्रकारले उनलाई यस्तो प्रश्न सोधेका थिए । राष्ट्रपतिको यस्तो अभिव्यक्तिपछि पत्रकारहरुले विरोध गर्न सुरु गरे र बिना कुनै टिप्पणी राष्ट्रपतिले पत्रकार सम्मेलन अन्त्य गरिदिए । ओ...