काठमाडौं । निर्माण थालेको एक वर्षमा सिद्धबाबा सुरुङमार्ग ‘ब्रेक थ्रु’ भएको छ । प्रधानमन्त्री केपी शर्मा ओलीले भर्चुअल माध्यमबाट स्विच थिचेर सुरुङमार्गको ‘ब्रेक थ्रु’ गरेका हुन् ।​ सिद्धबाबा सुरुङ गत वर्ष माघ ४ गदेखि खन्न थालिएको थियो । राष्ट्रिय गौरवको आयोजनाको रूपमा रहेको सिद्धार्थ राजमार्गअन्तर्गत बुटवल–तानसेन सडकखण्डको माथिल्लो सिद्धबाबा मन्दिरदेखि एक किलोमिटर १२६ मिटर सुरुङमार्ग छिचोलिने काम सकिएको हो। सिद्धार्थ राजमार्गअन्तर्गत बुटवल–पाल्पा सडक खण्डको तिनाउ गाउँपालिका–३ कुहिरेभीरमा निर्माणाधीन सुरुङले पहाडलाई तराईसँग जोड्ने छ । सिद्धबाबा सुरुङ मार्गको ’ब्रेक थ्रु’ गर्दै प्रधानमन्त्री ओलीले वर्तमान सरकार मुलुकमा विकास र सुशासन कायम गर्न तल्लीन रहेको बताएका छन्। प्रधानमन्त्री ओली स्थलगतरूपमा पुग्ने कार्यक्रम...