काठमाण्डौ – मंसिर १४ गतेका लागि तोकिएको उपचुनावको मिति नजिकिँदै जाँदा दलहरु उम्मेदवार तय गर्ने चटारोमा छन् । एक प्रतिनिधिसभा निर्वाचन क्षेत्र, ३ प्रदेशसभा निर्वाचन क्षेत्रसहित विभिन्न ५२ रिक्त पदपूर्तिका लागि उपचुनाव हुन लागेको हो । विभिन्न ५२ रिक्त पदमध्ये कास्की क्षेत्र नम्बर २ को प्रतिनिधिसभा निर्वाचन क्षेत्रमा भने देशकै ध्यान तानिएको छ । तत्कालीन पर्यटनमन्त्री रवीन्द्र अधिकारीको हेलिकप्टर दुर्घटनामा निधन भएसँगै यो क्षेत्र रिक्त छ । अधिकारीले तत्कालीन नेकपा एमाले र माओवादी केन्द्रबाट साझा उम्मेदवार बन्दै चुनाव जित्नुभएको थियो । संसद संख्या यथावत राख्न यो निर्वाचन क्षेत्रमा नेकपालाई फेरि पनि चुनाव जित्नै पर्ने दबाब छ । संघीय संसदका...